Scumencian na scultura ora de n tlapon,
ulëssi n iede l descedé, l palpé y sentì si vëta.
Ie cële de tò su cunfidënza y de rujené cun l lën ~
me nmagine la schirlates che ti fajova la catidles,
y coche i uciei dl bosch se njeniova la coes danter si rames.
N vedl lën che arà supurtà nchin tl estrem
l mudamënt di tëmps banderlëusc y furiëusc.
Pensieres che me turmentea y che me motivea
a jì inant lauran bel plan, pensan ala esistënza,
a chël che la planta se à fat pea.
A chësta maniera chieri y me prove de mantenì
n dialogh cun dut chësc bel dla Criazion cunserveda,
dejidran ënghe de ancunté vel’nseniamënc.